Кафедрамизнинг фахрий ассистентлари Эргашев Б.М., Бобожонов Ш.Ж., Султонова Г.Ю. ва Назиров Ш.А.лар юртимизда COVID-19 касаллиги тарқалишини олдини олиш мақсадида “Нуронийлар” санаторийсида ташкил қилинган 16 кунлик (21.03.2020й.-5.04.2020й. кунлари) карантиндан қайтдилар. Карантинда ТТА Эпидемиология кафедраси катта ўқитувчиси Мустанов А.Ю. ва бошқа ДПМларидан келган тор мутахассислар ҳам қатнашдилар.

Карантинга Ҳиндистондан Дели-Тошкент чартер рейси билан келган Ўзбекистон фуқаролари олинган бўлиб, уларнинг қарийб 40% турли соматик касалликлари бўлган, ҳаттоки жарроҳлик амалиётидан кейинги ҳолатлар билан қайтганлар.

Кафедрамиз ҳодимлари ушбу ҳудудда карантин тартиб-қоидаларини тўлиқ амал қилинишини таъминлаган ҳолда беморлар назорати ва даволаш амалиётларини тартибга солдилар.

Карантинга олинганлар ва хизмат кўрсатган барча ҳодимлардан COVID-19га таҳлил олинди. Барча таҳлиллар манфий чиққандан сўнг, карантин якунида беморларни уйларига муваффақиятли кузатган фидоий шифокорлар ўз оилалар даврасига қайтдилар.