Бугун 12.03.2020й. куни ТТА Юқумли ва болалар юқумли касалликлари кафедрасида Талабалар Илмий Жамияти танловининг Кафедра босқичи бўлиб ўтди. Унда барча кафедра ходимлари ва қизиқувчи талабалар қатнашдилар.

Тадбирни кафедра мудири, ректоримиз проф. Л.Н.Туйчиев олиб бордилар. ТИЖда 9 нафар иқтидорли талабалар ўзаро беллашдилар. Талабалар ўзларининг бир неча ой давомида амалга оширган илмий меҳнатларини чиройли намоиш этдилар. Талабаларнинг чиқишлари аудитория томонидан илиқ кутиб олинди. Ушбу чиқишларда талабалар аудитория томонидан берилган саволларга тўлиқ ва атрофлича жавоб бердилар.

ТИЖ якунида Л.Н.Туйчиев сўзга чиқдилар ва т.ф.д., доц. Г.К.Худайкулова бошчилигида тайёрланган талаба Шербина Оксана ҳамда асс. Б.М.Эргашев бошчилигида тайёрланган талаба Зайлобиддинов Билолиддинларга 1-ўрин берилди. Бу талабалар ТИЖнинг келгуси босқичига ўтишга тавсия қилиндилар. ТИЖ ғолиблари ва барча қатнашчиларга сертификатлар ҳамда эсдалик совғалари топширилди.