2019 йил 19 октябр куни юқумли ва болалар юқумли касалликлар кафедрасида Россия Федерациясидан ташриф буюрган иккита профессорлар билан учрашув бўлиб ўтди. Кафедрага тиббиёт фанлари доктори, профессор, Н.И. Пирогов номидаги тиббиёт университети юқумли касалликлар ва эпидемиология кафедраси мудири, Россия Федерациясининг бош инфекционисти – Никифоров Владимир Владимирович ва С.М.Киров номидаги харбий-тиббий академиясининг юқумли касалликлар кафедраси (тиббий паразитология ва тропик касалликлар курси билан) профессори – Козлов Сергей Сергеевич ташриф буюрдилар.

Профессор В.В.Никифоров «Янги 2019/2020 мавсумнинг респиратор хавфи» мавзусида ва профессор Козлов С.С. «Ичак паразитозларининг этиотроп давоси» мавзусида маъруза ўқидилар.

Маърузада кафедра ва ЭМЮКИТИ клиникаси ходимлари, “Юқумли касалликлар” магистратура йўналиши магистрлари, даволаш факультетининг 5 курс талабалари қатнашдилар.