2019 йилнинг 18-19 апрел кунлари Тошкент тиббиёт академиясида «Тиббиётда ташхис қўйиш ва даволашнинг инновацион ёндашувлари: ёш олимлар нуқтаи назари» номли халқаро анжуман бўлиб ўтади. 18 апрел куни хирургия, терапия, фундаментал ва профилактика тиббиётининг долзарб масалалари бўйича конференциянинг ялпи семинарлари ташкиллаштирилади. 19 апрел куни соат 9.00 да Тошкент шаҳар Ёшлар марказида (мўлжал: Ўзбекистон Миллий Университети) конференциянинг якунловчи қисми бўлиб ўтади. Унда конференциянинг иккинчи ялпи семинарларида совринли ўрин эгаллаган ёш олимлар қатнашадилар. Шу ерда ёш олимлар тадқиқот ишларининг постерлари (стендлари) намойиш этилади. Конференциянинг барча иштирокчилари сертификатлар билан, совриндорлари эса мукофот ва эсталик совғалари билан тақдирланадилар. Конференцияда Россия, Қозоғистон, Тожикистон, Қирғизистоннинг ёш олимлари ва профессорлари иштирок этадилар.